Drejtonte kartelet që kërcënuan princeshën e Holandës, Spanja liron “aksidentalisht” bosin e drogës 23/04 22:54
Pesë njerëz janë vrarë dhe 12 janë plagosur nga një shpërthim vetëvrasës në një hotel luksi në Pakistan.
Talibanët e Pakistanit morën përgjegjësinë për shpërthimin në parkingun e hotelit me pesë yje Serena Hotel, në jugperëndim të Quetta.
Një zëdhënës i grupit militant Taliban e përshkruante sulmin si shpërthim vetëvrasës të një makine të mbushur me eksplozivë.
Kryeministri Imran Khan e quajti bombën një “akt dinak terrorizmi”.
Pamjet televizive në Pakistan tregonin ndërtesën e hotelit dhe makinat pranë saj të ndezura në flakë, teksa grupe emergjencës po punonin në vendngjarje.
Policia tha se grupet e shpëtimit kishin shpërndarë të plagosurit në spitalet pranë vendit. Një oficer policie ishte mes të vrarëve.
Rrjeti BBC tha se objektivi i sulmit besohet se ka qenë ambasadori kinez në Pakistan, Nong Rong. Ai po qëndronte në hotel por nuk ka qenë aty në momentin e shpërthimit, tha ministri i brendshëm i Pakistanit, Sheikh Rashid Ahmad.
Arbab Kamran Kasi, doktor në spitalin kryesor të Quetta, tha se dymbëdhjetë të plagosur ishin sjellë aty.
Hoteli Serena është i vetmi hotel luksi në qytet dhe frekuentohet nga të huajt.
Provinca jugperëndimore e Baluchistan është skenë e militantizmit të gjatë mes grupeve rebele të Baluchistan që kërkojnë pavarësi, si dhe e grupeve Talibane.
Top Channel
