“Nëna Tokë po thërret qartë për veprim”/ Dita e Tokës, sensibilizim për një planet më të pastër pas pandemisë

Viti 2021 51 vjetorin e festimeve vjetore. Tema e këtij viti për Ditën e Tokës është ‘Rikthe Tokën Tonë’.
Në vitin 2009, Kombet e Bashkuara caktuan 22 Prillin si Ditën Ndërkombëtare të Nënës Tokë. “Rimëkëmbja nga pandemia Covid 19 është një shans për ta vendosur botën në një rrugë më të pastër, më të gjelbër, më të qëndrueshme“, tha sekretari i Përgjithshëm i KB-së, Antonio Guterres në një deklaratë.

“Nëna Tokë po thërret qartë për veprim. Le të kujtojmë më shumë se kurrë në këtë Ditë Ndërkombëtare të Nënës së Tokës se kemi nevojë për një zhvendosje në një ekonomi më të qëndrueshme që funksionon si për njerëzit ashtu edhe për planetin”.

Dita e Tokës u celebrua për herë të parë në vitin 1970, kur 20 milion njerëz dolën në rrugë për të protestuar kundër degradimit të mjedisit. Ngjarja u shkaktua nga derdhja e naftës e Santa Barbara si dhe çështje të tjera, si smogu dhe lumenjtë e ndotur.
Për gjatë gjysmës së shekullit të ardhshëm, Dita e Tokës vazhdoi të luante një rol të rëndësishëm në aktivizmin mjedisor.

Marrëveshja historike e Parisit, e cila mbledh pothuajse 200 vende së bashku në vendosjen e një objektivi të përbashkët për të ulur emetimet globale të serrave, u nënshkrua në Ditën e Tokës 2016.
Sipas earthday.org, tema e këtij viti përqendrohet në proceset natyrore, teknologjitë e gjelbra në zhvillimin dhe mendimin inovativ që mund të rikthejnë ekosistemet e botës.

“Në këtë mënyrë, tema hedh poshtë idenë se zbutja ose përshtatja janë mënyrat e vetme për të adresuar ndryshimin e klimës. Varet nga secili prej nesh që të rimëkëmbë Tokën tonë, jo vetëm sepse kujdesemi për botën natyrore, por sepse jetojmë në të. Të gjithë kemi nevojë për një Tokë të shëndetshme për të mbështetur punët tona, jetesën, shëndetin dhe mbijetesën dhe lumturinë. Një planet i shëndetshëm nuk është një opsion, është një domosdoshmëri”.

Këtë vit, shtatë ngjarje të mëdha në lidhje me klimën po zhvillohen paralelisht në 22 Prill, duke përfshirë Samitin e Liderëve për Klimën, të organizuar nga Shtetet e Bashkuara dhe Samitin e Veprimit Eksponencial të Klimës.

Top Channel