Drejtonte kartelet që kërcënuan princeshën e Holandës, Spanja liron “aksidentalisht” bosin e drogës 23/04 22:54
Situata “e tmerrshme” në kufirin jugor të SHBA-së mund të “shkatërrojë” vendin, theksoi ish-presidenti Donald Trump në një intervistë.
“Ata po e minimizojnë atë aq sa mund ta minimizojnë. është një situatë e tmerrshme, mund të shkatërrojë vendin tonë”, tha Trump në një bisedë për “Fox News”, paraqitja e tij e parë në televizion që kur u largua nga Shtëpia e Bardhë.
“Njerëzit po derdhen. Por, do të shihni diçka teksa muajt kalojnë, siç nuk e keni parë kurrë më parë. Tashmë është sikur nuk e keni parë kurrë. Asnjëherë nuk ka pasur diçka si kjo që ka ndodhur në kufirin tonë. Njerëzit po vijnë me dhjetëra mijëra. Ata po ecin brenda”, tha ai. Trump kritikoi administratën e presidentit Joe Biden për shkeljen e politikave të vendosura gjatë mandatit të tij, duke thënë se “gjithçka që është dashur të bëjnë ishte ta linin të qetë”.
Ish-presidenti ndoqi një qasje të ashpër ndaj imigracionit, edhe ndaj legales dhe ilegales. Migrantët kanë hyrë në SHBA që kur Biden mori detyrën në janar, duke pritur një qasje më të butë nga administrata e re.
Muajin e kaluar, Trump kritikoi Bidenin për kthimin e një “triumfi kombëtar në një katastrofë kombëtare”, duke kërkuar që administrata e tij të kthehet në ato që ai i quajti politikat e tij “thellësisht efektive dhe të provuara”.
Top Channel
