Një nga sulmet më të mëdha ruse që prej nisjes së luftës, 100 raketa dhe 400 dronë godasin Ukrainën, tre ura në Kiev jashtë funksionit
Princi britanik Harry është kthyer me nxitim në Kaliforni te gruaja e tij shtatzënë Meghan Markle, pas funeralit ekstravagant të gjyshit të tij.
I njohuri gjithashtu si Duka i Sussex, ka fluturuar dje drejt Los Angeles me linjat American Airlines nga aeroporti Heathrow në Londër dhe makina e tij është pikasur nga paparacët në terminalin privat dhe më pas në vilën e çiftit Montecito.
Kthimi i tij i hershëm bëri që ai të humbasë ditëlindjen e mbretëreshës, që kishte sot 95 vjetorin. Monarkia është ende në zi për humbjen e bashkëshortit të 73 viteve dhe kaloi ditën në Kështjellën Windsor e rrethuar nga numër i kufizuar i stafit.
Harry raportohet se është kthyer me nxitim prej axhendës së ngjeshur dhe nuk kaloi shumë kohë as me babanë e tij Princin Charles.
Mediat vendase raportonin se Charles, William aend Harry mbajtën gati dy orë bisedime rikëshillimi pas funeralit.
Harry gjithashtu i kishte shkruar të atit një letër ‘tepër personale’ duke u mundur të qetësonte tensionet me familjen.
Emocionet mes tyre ishin ashpërsuar pas intervistës së Harry në SHBA me gazetaren Oprah Winfrey – ku mes të tjerave familja mbretërore akuzohej për racizëm dhe për neglizhencë ndaj Meghan.
Tashmë në SHBA, Duka pritet të kryejë një periudhë 10-ditore karantine, sipas rregullave vendore te Covid-19. Gruaja e tij Meghan pret kësaj vere të lindtë fëmijën e dytë të çiftit, një vajzë.
39 vjeçarja Meghan ishte këshilluar të mos udhëtonte në Britani për funeralin e Philip pasi është në faza të avancuara të shtatzanisë. Por ajo kishte dërguar me Harry-n një letër të shkruar me dorë, ku bënte homazhe për 99-vjeçarin e ndjerë, nga përtej Atlantikut.
Top Channel