Xhamaika bëhet shteti i 142-të që njeh sovranitetin e shtetit të Palestinës
24/04 21:06
Rusia ka ndaluar përkohësisht fluturimet në disa pjesë të Krimesë dhe Detit të Zi, duke e shpallur këtë zonë sit ë rrezikuar për momentin.
Zona në fjalë përmban hapësira nga jugu i Krimesë duke nisur prej Sevastopolit e deri në Feodosia, pjesën mbi ujrat territorial ngjitur me brigjet e Krimesë dhe një zonë të ujrave ndërkombëtare në Detin e Zi.
Në 14 prill, Moska e pati njoftuar mundësinë se do të bllokonte kalimin e luftanijeve të huaja në ujrat e saj territorial në Detin e Zi duke nisur nga 24 prilli deri ne 31 tetor. Lëvizja e fundit vjen një ditë pasi ministry rus I mbrojtjes, Sergey Shoygu deklaroi se Rusia po merr masa në përgjigje të kërcënimeve nga Natoja. Zëvëndesministri i jashtëm rus, Sergey Ryabkov nga ana tjetër shpjegoi se kufizimet janë të vlefshme vetëm për anijet e luftës, jo ato tregtare e civile.
Duke iu përgjigjur indinjatës së Kievit, që kërkoi të hiqej dorë nga të tilla plane, Ryabkov theksoi se nuk ka kufizime përsa i takon përdorimit të porteve ukrainase në Detin Azov. Megjithatë, departamenti amerikan i shtetit sërish e përkufizoi vendimin rus si “përshkallëzim të panevojshëm të situatës”.
Konflikti në jug të Ukrainës është ashpërsuar javët e fundit e mbështetës të Rusisë dhe Kievit në terren fajësojnë njëri tjetrin për shkeljen e armëpushimit. Gjatë këtyre javëve, Moska ka grumbulluar forca të shumta ushtarake në kufirin ukrainas, në atë që konsiderohet si grumbullimi më I madh I trupave ruse që prej aneksimit të paligjshëm të Krimesë në 2014-tën.
Top Channel
