Mbyllet panairi i librit! Interes i shtuar i lexuesve, organizatorët bëjnë bilancin: Janë shitur shumë libra
17/11 21:09
Episodi i shtatë i Artkand ka filluar me një vepër surprizë.
Vajza me Lule e autorit Abdurrahim Buza, një vepër e vitit 1982, u prezantua për publikun me çmimin fillestar 6000 euro. Vepra është e përmasave 24x33cm dhe e teknikës vaj në fajazit.
Kjo e gjetje e programit ka pasur menjëherë interesimin e publikut.
Abdurrahim Buza është një nga personalitetet më origjinale të artit shqiptar dhe kjo vepër mban firmën e artistit me penelatat e shpejta dhe gamën koloristike.
Spiro Kristo u prezantua në program nëpërmjet veprës, Festivalistet, me çmimin fillestar 4500 euro. 100×95 cm, e vitit 1988, nëpërmjet teknikës vaj në kanavacë. Motivet e Festivalit të Gjirokastrës pasqyrohen në tablo, me larmishmërinë e kostumeve dhe me sfondin e shtëpive karakteristike të Gjirokastrës.
Andon Kuqai, i konsideruar si kritiku i parë i arteve figurative, u prezantua me akuarelin Peizash Fshati me çmimin fillestar 1200 euro. Një vepër me përmasa 26x31cm.
Një ndër skulptorët më të spikatur të dekadës së fundit, artisti Arben Bajo u prezantua në program me veprën Nudo e Ulur. I ndarë në mënyrë të beftë nga jeta, kjo vepër e profesor Bajos është krijuar në vitin 2018 Me përmasa 31x32x16 vepra u prezantua me çmimin 3000 euro.
E risjellë nga fondi i Galerisë sonë Artkand, Maks Shurdhi, me veprën Grua Lunzhiote, terrakot e intonuar, u prezantua me çmimin 1500 euro.
Në gjashtë episode e shkuara janë prezantuar rreth 40 vepra dhe realizuar shtatë shitje.
Top Channel
