Kompania kineze Sinovac Biotech njoftoi se ka rritur kapacitetin e saj vjetor të prodhimit në 2 miliardë doza të vaksinës kundër koronavirusit të ri (COVID-19).
Sinovac tha se ndërtimi i objektit të tij të 3-të për prodhimin e vaksinës kundër COVID-19 ka përfunduar dhe është gati për operim.
Duke njoftuar se struktura e tretë filloi prodhimin masiv të përbërësve të vaksinës, kompania tha se kapaciteti vjetor i saj i prodhimit të vaksinave arriti në 2 miliardë doza.
Kompania dyfishoi kapacitetin e saj vjetor me objektin e tretë në kryeqytetin Pekin.
Kompania arriti 500 milionë doza të prodhimit me pajisjen e saj të parë në gusht 2020 dhe rriti kapacitetin e saj në një miliard doza të vaksinës çdo vit me pajisjen e dytë të hapur në shkurt.
300 mijë persona do të vaksinohen brenda 5 ditëve në qytetin në kufi me Mianmarin
Qeveria e provincës Yunnan të Kinës njoftoi se të gjithë në qytet do të vaksinohen për shkak të rritjes së rasteve me COVID-19 në qytetin e provincës Ruili.
Brenda kornizës së programit të vaksinimit që filloi në mëngjes, 300 mijë persona brenda 5 ditëve do të vaksinohen në qytetin në kufi me Mianmarin.
Në qytetin Ruili më 30-31 mars u regjistruan 12 raste me COVID-19 ndërsa u zbuluan 26 raste asimptomatike./AA/
Top Channel
