Anija masive që ka ngecur për disa ditësh në Kanalin e Suezit, thuhet se është liruar pjesërisht. Njoftimi ka rritur shpresat se Kanali i Suezit do të hapet prap, duke lehtësuar kështu transportin global të mallrave.

Osama Rabie, kryetar i Autoritetit të Kanalit të Suezit (SCA), tha se anija ishte liruar pjesërisht dhe ky ishte “një lajm i mirë”, raporton Wall Street Journal më 29 Mars.

Mjetet ndihmëse për lirimin e saj do të vazhdonin punën për të siguruar se anija mund të lëvizte prap në kanal, tha ai.

“Ne nuk kemi mbaruar ende, por ajo ka lëvizur”, shtoi Rabie.

Kompania e shërbimeve të kanalit Leth Agencie tha se ekipet e shpëtimit e kishin “zhvendosur pjesërisht” anijen.

Por, kjo kompani nuk dha detaje të tjera se kur mund të lirohet plotësisht anija.

Një video e postuar në Facebook duket se tregon lëvizjen e ashpër të anijes kontejner, duke krijuar hapësirë në kanal.

Videoja tregonte anijet tërheqëse që lëviznin rreth anijes, Ever Given.

Përpjekjet për të çliruar anijen masive 400 metra të gjatë të ngarkuar me mijëra kontejnerë u intensifikuan më 28 mars.

Ekpitet punuan për të hequr pjesë të bregut të kanalit dhe për të zgjeruar pastrimin afër harkut të anijes në një thellësi prej 18 metrash, tha në një deklaratë Autoriteti i Kanalit të Suezit (SCA).

Autoritetet egjiptiane kanë thënë se në rast se operacioni për të liruar anijen dështon, duhet të hiqen disa nga 18 mijë kontenjerët në anije, për të zvogëluar peshën e saj.

FOTO GALERI
2/10

Top Channel