“Duhet ndëshkim serioz”/ Filipine, thirrje për dëbimin e diplomatëve kinezë 10/05 20:30
Një urdhër priftërinjsh katolikë është zotuar të japë 100 milionë dollarë dëmshpërblim për pasardhësit e njerëzve që janë zotëruar si skllevër gjatë dekadave të para të ish-Republikës së Amerikës.
Njoftimi i bërë nga Konferenca Jezuite e Kanadasë dhe e Shteteve të Bashkuara është një nga iniciativat më të mëdha të këtij lloji nga institucioni, dhe më e madhja nga vetë Kisha, raportonte e përditshmja New York Times.
Urdhri është zotuar për mbledhjen e shumës në tre deri në pesë vjet, teksa $15 milionë janë depozituar tashmë në korporatën përkatëse.
Më tej paratë e mbledhura nga jezuitët do të shkojnë në fondacionin e sapokrijuar ‘Descendants Truth & Reconciliation Foundation’, i krijuar në partneritet me pasardhësit.
Reverend Timothy P. Kesicki, president i Konferencës Jesuite të Kanadasë dhe të SHBA, tha se ky është fillimi i “një procesi vërtet serioz të afrimit me të vërtetën dhe rikëshillimin”.
Kesicki e quajti historinë e përdorimit të skellevërve nga priftërinjtë jezuitë “të turpshme,” duke shtuar se “ajo është hequr tashmë nga raftet e pluhurosura, dhe nuk do të vendoset më aty.”
Për më shumë se një shekull jezuitët përdornin punën e skllevërve në punët e përditshme të Kishës apo shkollave, mes të cilave dhe Universitetin e njohur të Georgetown, i cili drejtohej nga dy priftërinj jezuitë deri në vitin 1838, ku me qëllim mbledhjen e fondeve për shkollën, janë shitur 272 skllevër burra, gra e fëmijë, për te punuar ne plantacionet e Louisianas.
Universiteti pranoi vitin e kaluar të mblidhte shumën $400,000 në favor të pasardhësve të njerëzve të skllavëruar, dhe ka kontribuar tashmë me $1 milionë dëmshpërblime.
Zhvillimi është pjesë e disa lëvizjeve të ngjashme nga Kisha vitet e fundit, për të zbutur lidhjet e tyre të mëparshme me skllavërinë.
Presidenti i fondacioni të dëmshpërblimit, Joseph M. Stewart — pararendësit e të cilit ishin mes 272 skellevërve të shitur në Georgetown — tha për mediat se shuma është vetëm një objektiv afatgjatë “i një rrugë që nuk është shkelur kurrë më parë nga pasardhësit e skllevërve”.
Top Channel
