Dronët ukrainas godasin objektet e energjisë dhe karburantit, shpërthen në flakë rafineria ruse e naftës 24/04 14:02
Policia e angazhuar për mbrojtjen e kongresit amerikan, e shqetësuar nga kërcënimet për një sulm tjetër mbi Kapitol, po kërkon nga Departamenti i Mbrojtjes të lërë rreth 5,000 trupa të Gardës Kombëtare të dislokuara në atje për 60 ditë të tjera për të ruajtur sigurinë deri në mes të majit.
Zyrtarët e mbrojtjes thanë se kërkesa e tyre është duke u shqyrtuar. Trupat e Gardës Kombëtare fillimisht ishin planifikuar të largoheshin nga zona e Kapitolit më 12 mars.
Kërkesa për të mbajtur trupat te Kapitoli erdhi ndërsa autoritetet thanë se ata po merrnin seriozisht informacionet e agjencive të zbulimit në lidhje me një komplot të mundshëm nga një grup i armatosur e ekstremit të djathtë për të sulmuar Kapitolin të enjten megjithëse nuk pati asnjë incident. Në një njoftim të lëshuar të martën nga Departamenti i Sigurisë Kombëtare dhe Byroja Federale e Hetimit thuhej se në muajin shkurt një grup i paidentifikuar i “ekstremistëve të dhunshëm” kanë diskutuar plane për “të marrë kontrollin e Kapitolit dhe për të hequr ligjvënësit demokratë në datën 4 mars, ose rreth asaj date”.
4 Marsi është dita kur ithtarët e teorisë së konspiracionit QAnon besojnë se ish Presidenti Donald Trump, i cili u mund nga Presidenti Joe Biden në zgjedhjet e 3 nëntorit, do të betohej për një mandat të dytë në detyrë. Deri në vitin 1933, data e përurimit të presidentëve ishte 4 marsi. Gjatë ditës së enjte, nuk pati shenja protestuesish përgjatë gardhit prej çeliku që rrethon Kapitolin që prej trazirave të 6 janarit nga mbështetësit e ish-Presidentit Trump. Aktualisht rreth Kapitolit ka 5200 trupa të Gardës Kombëtare dhe misioni i tyre ishte planifikuar të përfundonte më 12 mars.
Top Channel
