“Shoqen tonë e bëmë ministre dhe nuk erdhi as në mbledhje, do ta bëj të skuqet”, kush është ish-ministrja që nuk iu përgjigj Metës në telefon 19/04 23:04
Ambasadorja amerikane në Tiranë Yuri Kim avancon përpjekjet për të ndaluar nga kandidimi persona me të shkuar kriminale.
Nëse deri më tani shefja e diplomacisë amerikane thjesht ka çuar mesazhe për nevojën që kryetarët e partive të mbajnë larg çunat problametik, përmes Tëitter, Yuri Kim nisi të flasë me emra konkret.
Në shënjestrën e selisë diplomatike të rrugës së Elbasanit është vendosur Tom Doshi ish deputet i PS tani kryetar i Partisë Social Demokrate. Ambasadorja amerikane përmes Twitter thotë se “ Ndërsa autoritetet zgjedhore shqiptare përgatisin zgjedhjet, ia vlen të kujtohet ky përcaktim publik për korrupsion madhor, i vendosur nga Sekretari i Shtetit pas shqyrtimit të kujdesshëm të informacionit. Me siguri votuesit e Shqipërisë meritojnë më mirë se kaq”.
Këtë mesazh ambasadorja Yuri Kim e shoqëron me vendimin e 16 Prillit 2018 kur sekretarit amerikan i shtetit publikisht I ndaloi Tom Doshit hyrjen në SHBA me motivacioni si i përfshirë në mënyrë sinjifikative në korrupsion.
Mesazhi i ambasadores Kim, vjen vetëm pak ditë nga skadimi afatit të regjistrimit të partive politike në KQZ dhe është një sinjal i qartë se Tom Doshi duhet të qëndroj larg procesit zgjedhor dhe kandidimit. Departamenti i shtetit në mënyrë të pazakonte publikoi vendimin per ti penguar hyrjen ne shba deputetit Tom Doshi dhe familjareve te tij, ndërsa më herët këtë e kishte bërë për ish-kryeprokurorin Adriatik llalla.
Top Channel
