Dronë të dyshimtë mbi bazat ushtarake amerikane, Britania dislokon trupa 29/11 21:05
Këto janë momentet kur një polic hero shpëton një burrë që po hidhej nga ura duke kapur krahun e tij.
Në imazhe shihet njeriu vetëvrasës që varet nga ura 40 metra mbi liqenin New Melones në Kaliforni, teksa zv. sherifi e tërheq atë nga hekurat.
Incidenti ndodhi dje në Vallecito, Kaliforni kur njeriu tentoi të hidhej nga ura Sierra Nevada por për fat arriti të shpëtohej.
Kur zyra e sherifit mori një njoftim se dikush po tentonte të hidhej nga ura, autoritetet nisën të kontrollonin zonën rreth dy urave në Sierra Nevada.
Gjatë kërkimeve makina e njeriut vetëvrasës u gjet pranë urës Parrotts Ferry.
Oficerët më pas gjetën burrin duke qëndruar në buzë të urës dhe qëndruan duke folur me të për rreth dhjetë minuta.
Por burri kaloi në anën e jashtme të parmakut dhe tentoi të hidhej, para se sherifi Andrew Long të zgjatej nga hekurat për të kapur krahun e burrit duke e mbajtur atë rreth 30 sekonda duke u lëkundur. Më ndihmën e punonjësve të tjerë ata arritën të ngrinin njeriun duke e shpëtuar.
Autoritetet vlerësuan punën e agjencive të emergjencës por nuk dhanë detaje të personit vetëvrasës apo motivet e tij për aktin.
Top Channel
