Ambasadori izraelit: Marrëveshja për armëpushim me Hezbollahun mund të arrihet brenda ditësh 25/11 11:54
Kisha ortodokse është vënë nën presion të ndryshojë rregullat e ritualeve të pagëzimit në Rumani pas vdekjes tragjike të një foshnjeje, gjatë ceremonisë ku përfshihet futja e trupit të të vegjëlve tre herë në ujin e shenjtë.
Bebja gjashtë-javëshe pësoi arrest kardiak dhe u dërgua në spital por vdiq disa orë më vonë, teksa autopsia tregoi se kishte lëng në mushkëritë e saj.
Prokurorët kanë nisur hetime për vrasje nga pakujdesia ndaj prifti të qytetit verilindor të Suceava.
Ndërkohë një peticion online që bënte thirrje për ndryshime të ritualit kishte mbledhur 56,000 firma deri të premten.
Peticioni shkruante: “Vdekja e një foshnjeje gjatë kësaj praktike është një tragjedi e madhe. Ky rrezik duhet të eliminohet për të ruajtur gëzimin e pagëzimit”.
Një përdorues i internetit denonconte brutalitetin e ritualit ndërsa të tjerë kritikonin ata që insistonin se “është vullneti i Zotit ruajtja e tij”.
Mediat vendase kanë raportuar disa incidente të ngjashme vitet e fundit.
Zëdhënsi i kishës Vasile Banescu sugjeroi se priftërinjtë duhet vetëm të spërkasin pak ujë në ballin e bebes, në vend të zhytjes së plotë në ujë.
Por kryebashkiaku Teodosie, kreu i degës tradicionale të kishës, insistonte se rituali nuk do të ndryshojë.
Rutuali rumun i pagëzimit kërkon që bebja të zhytet tre herë në ujë ndërsa prifti duhet të kujdeset që ato të mos pijnë ujë.
Pagëzimet në Rumani janë evente serioze, nganjëherë po aq të mëdha sa dasmat, me dhjetra të ftuar dhe darka madhështore.
Më shumë se 80 përqind e rumunëve janë ortodoksë dhe kisha është një nag institucionet më të besuara, sipas sondazheve të opinionit.
Top Channel
