Shokon aktorja, ndan me ndjekësit “historinë horror” pas operacionit në hundë (Foto)

Aktorja e njohur në Kinë, ka paralajmëruar për rreziqet e operacionit plastik duke treguar hundën e saj të dëmtuar pasi procedura shkoi keq.

Gao Liu është këngëtare dhe aktore, e cila ka luajtur në filma të shumtë dhe programe televizive. Duke postuar në platformën e njohur të mediave sociale Sina Weibo, ajo shpjegoi pse kishte munguar prej muajsh, duke folur për një “incident kirurgjikal estetik”, i cili e ka lënë atë me nekrozë të hundës, që do të thotë që indet në majë të saj kanë vdekur.

Gao ndau imazhe me pesë milion ndjekësit e saj, duke ndezur diskutime rreth kirurgjisë estetike, që është jashtëzakonisht e famshme në Kinë.

Ajo tha se në tetor një mik e prezantoi me një kirurg plastik në një klinikë në qytetin jugor të Guangzhou.

Aktorja tha se vendosi të operojë hundën e saj për “të bërë një zbukurim të lehtë” dhe mendoi se kjo do të ndihmonte në karrierës së saj.

“E gjithë procedura zgjati katër orë. Mendova se në këto katër orë, do të bëhesha më e bukur“, u tha ajo ndjekësve të saj. “Nuk e prisja që këto katër orë të ishin fillimi i një makthi“.

Ajo tha se duke ndjekur procedurën, hunda e saj u ndje “e irrituar dhe e acaruar” dhe më pas u infektua në mënyrë të përsëritur, edhe pse asaj iu tha se do të ishte në gjendje të kthehej në punë deri në dhjetor ose janar.

“Lëkura në majë të hundës sime … u bë më e errët dhe e errët, dhe hunda ime u bë nekrotike“, tha ajo, duke shtuar se kishte mendimuar për vetëvrasje.

Gao përfundoi duke u shtruar në spital për dy muaj dhe ka humbur. Ajo tha se nuk do të jetë e mundur të bëjë një ndërhyrje kirurgjikale rindërtuese për të paktën një vit, për shkak të shkallës së lartë dëmtimit.

Kirurgjia kozmetike ka qenë e njohur për vite me radhë në Kinë, aq sa në vitin 2004, vendi organizoi një konkurs bukurie posaçërisht për ata që kishin kryer operacione estetike.

Top Channel