Gigi Hadid bën tatuazh të ri, të ngjashëm me Zayn Malik dhe tema është vajza e tyre, Khai

05/02/2021 12:20

Gigi Hadid konfirmoi se e quajti vajzën e saj Khai përmes faqes së Instagramit para disa ditësh. Më vonë fansat vunë re se Zayn kishte një tatuazh në arabisht të emrit.

Gigi Hadid, po e nderon vajzën e saj në një mënyrë shumë të veçantë. Modelja tregoi një tatuazh të ri, të vogël me emrin Khai në një video për revistën Vogue. Ndjekësit panë bojën e freskët të tatuazhit në krahun e saj. Tatuazhi, i cili është në arabisht, duket se përputhet me atë të të dashurit Zayn Malik.

Khai erdi në jetë vitin e kaluar. “Vajza jonë u bashkua me ne në tokë këtë fundjavë dhe ajo tashmë ka ndryshuar botën tonë”, shkroi Gigi më 23 shtator, duke ndarë një foto të ëmbël bardh e zi të saj dhe Zayn duke mbajtur dorën e të porsalindurës. 27-vjeçari, shtoi, “Vajza jonë është këtu, e shëndetshme dhe e bukur të provosh të shprehësh me fjalë se si po ndihem tani do të ishte një detyrë e pamundur“.

Ish-anëtari i One Direction gjithashtu përfshiu një foto të ngjashme me Gigin. “Dashuria që ndiej për këtë njeri të vogël është përtej kuptimit tim. Mirënjohës për jetën që do të kemi së bashku x“, shkroi ai. Çifti nuk tregoi për emrin e vajzës derisa Gigi ndryshoi bio-n në Instagram, duke “nëna e Khait”.

Në intervistën për Vogue, Gigi rrëfeu për jetën e saj pas shtatzënisë, vështirësitë e lindjes, kujdesit për veten dhe rikthimin në punë. Nuk mungojnë as fotot e modeles, ku tregon format perfekte.