Përmbytjet vdekjeprurëse të Dubait, shkencëtarët bëjnë zbulimin e frishkëm! Një nga shkaktarët kryesor të kësaj katastrofe është… 26/04 08:28
Gazetari Lokman Slim
Gazetari libanez që shfaqej haptazi kundër Hezbollah, Lokman Slim nuk u kthye në shtëpi pasi vizitoi një mik në një fshat rus të mërkurën në mbrëmje.
Sipas Daily Beast, motra e tij Rasha kishte një ndjesi shumë të keqe, pasi ai ishte i shqetësuar gjithnjë e më shumë për fatin e tij dhe thoshte se nëse do t’i ndodhte gjë faji do të ishte i Hezbollah, grupit militant islam Shia që kishte ndikim në parlamentin libanez.
Rasha al-Ameer postoi mesazhe urgjente në Facebook dhe Twitter në agim, duke përfshirë një në të cilin ajo tha se kishte humbur kontaktet me vëllain e saj.
“Vëllai im Lokman Slim u largua nga Tani 6 orë më parë, në rrugën për në Bejrut dhe ai nuk është kthyer ende. Ai nuk pergjigjet. Kush di për të mund të më kontaktojë.”
Disa orë më vonë, policia gjeti trupin e tij të pajetë në makinën me dy vrima fatale plumbash në kokë.
Makina ku u gjet i vdekur
Gazetari ishte kërcënuar pas një paraqitje të fundit televizive në të cilën ai kritikoi situatën politike në Liban dhe bëri thirrje për veprim për të formuar një qeveri të re.
Slim, 59 vjeç së fundmi kishte pohuar në “Arab Neës” se “pretendimi për neutralitetin e Libanit sot, pavarësisht nga rëndësia e tij, mbetet i pazbatueshëm në dritën e dominimit të Hezbollahut në vend dhe qeverinë.”
Kryeministri i përkohshëm i Libanit, Saad Hariri, dënoi vrasjen e Slim dhe ministri i Brendshëm i vendit Mohammed Fahmi e quajti atë “të tmerrshme”.
Bassem Sabeh, një ish-ligjvënës, i tha Arab Neës se vrasja ishte një “mesazh i drejtpërdrejtë për të gjithë aktivistët, shkrimtarët dhe politikanët nga komuniteti Shia, të cilët mobilizojnë dhe shprehin idetë e tyre jashtë orbitës politike të Hezbollahut”.
Slim, i cili ka studiuar në Francë, u përshkrua në raportet libaneze të lajmeve si kundërshtari “më i shquar dhe i egër” i Hezbollahut “që e bëri atë të prekshëm nga akuzat dhe kërcënimet nga partia dhe mbështetësit e saj në raste të tjera.”
Motra e tij Rasha u tha gazetarëve të enjten se ajo zbuloi se çfarë i ndodhi Slim përmes një alarmi për lajmet ndërsa ishte në stacionin e policisë për ta raportuar atë të zhdukur.
“Çfarë humbje e madhe. Dhe ata humbën gjithashtu një armik fisnik … Rrallë ndodh që dikush të argumentojë me ta dhe të jetojë mes tyre me respekt. Vrasja është e vetmja gjuhë në të cilën ata flasin rrjedhshëm”, tha ajo.
Policia ende nuk ka një autor për vrasjen e gazetarit.
Top Channel
