‘Ogre i Ardenne-ve’/ Tmerret e maniakut më të tmerrshëm francez të përdhunimeve e vrasjeve (fotot-Pjesa1)

Kur policia arrestoi Fourniret atë vit në qershor, ata nuk mund të imagjinonin tmerret që do të zbulonin, të kryera nga pedofili vrasës-serial, i njohur tashmë si ‘Ogre i Ardeneve’.

Rrjedhimisht 78 vjeçari Fourniret, pranoi vrasjen e 12 njerëzve, shumica vajza të reja e të mitura, që ai kishte përdhunuar e torturuar nga viti 1987 deri në 2003.

Francezi ishte ndihmuar në mizorinë e tij nga bashkëshortja e tretë, Monique Olivier, e cila e njohu teksa i shkruante kur ai ishte burgosur për krime të ngjashme në vitet  1980.

Ne letrat e tyre djallëzore ata kishin bërë marrëveshjen që ajo do ta ndihmonte t’i gjente vajza të reja të virgjëra, nëse ai do ta ndihmonte të vriste burrin e saj të parë kur dilte nga burgu.

Tanimë, i biri i Fourniret e Olivier është bashkuar me familjet e viktimave të dyshes djallëzore, për të denoncuar një serial të ri që bazohet në krimet e tyre.

Selim Fourniret, fëmija i vetëm i çiftit, tha për rrjetin francez TF1, se me serialin e ri prodhuesit “do të fitojnë shumë para mbi trupat e fëmijëve të vdekur të çiftit vrasës e perdhunues”.

“Filmi juaj i mjerë do të ngrejë lavdi mbi babanë tim,” tha ai, por kompania prodhuese tha se nuk do të tregojë simpati ndaj vrasësve maniakë në filmin e tyre, por vetëm ndaj hetuesve që i zbuluan.

Krimet e tmerrshme të Fourniret e Olivier janë një nga çështjet më të rënda të personave të zhdukur në Evropë.

Dekada dhune

Kur Fourniret u kap në 2003, policia ndaloi një fushatë dhune seksuale që kishte nisur ndoshta qe prej viteve 1970-të.

Pedofili u njoh nga policia filimisht në vitin 1965 kur sulmoi seksualisht një vajzë të mitur, dhe më pas u burgos për tre vjet në fillim të viteve 1980 për një seri sulmesh seksuale ndaj vajzave të mitura në rrethinat e Parisit.

Kur u burgos, ai vendosi një reklamë në një revistë për të kërkuar një “shok të penës” me të cilin të shkëmbente letra, ndaj të cilave u përgjigj infermierja Monique Olivier, që do të kthehej më pas në bashkëpunëtoren besnike të killer-it pedofil.

Në letrat e tij maniaku Fourniret përshkruante fiksimin me virgjërinë, duke thënë se ishte abuzuar seksualisht nga nëna e tij.

Më vonë ai shkruante se kur zbuloi natën e martesës se gruaja e tij e parë nuk ishte e virgjër, nisi të bëhej shumë kurioz, i fiksuar për çështjen.

Olivier bëri një pakt me të burgosurin, duke i thënë se do ta ndihmonte të gjentë vajza të virgjëra, nëse ai do të vriste burrin e saj kur të lirohej nga burgu.

Në tetor 1987, ata të dy u takuan në derën e burgut kur Fourniret u lirua. Dhe siç rezultoi më vonë burri nuk e mbajti pjesën e tij të premtimit për të vrarë bashkëshortin e Olivier, ndërsa ajo e bëri pjesën e saj makabre.

Disa muaj pas lirimit ata të dy nisën gjuetinë dhe pengmarrjen e vajzave të mitura, e më pas vrasjen e përdhumin e tyre, të cilat zgjatën rreth 20 vjet.

Vrasje sadiste

Viktima e tyre e parë u bë shembulli i vrazhdë i mënyrës sesi dy krijesat djallëzore do të operonin në vazhdim.

Në dhjetor 1987, Olivier pikasi 17-vjeçaren Isabelle Laville duke u kthyer nga shkolla në shtëpi. Ajo i kërkoi asaj udhëzime drejt një destiancioni të rremë, dhe e manipuloi duke e bindur Laville të hynte në makinën e saj.

Gjatë rrugës ato morën me vete dhe Fourniret, i cili hiqej sikur kërkonte të shkonte diku pasi e kishte lënë karburanti.

Në makinë Fourniret “e kapi vajzën nga flokët dhe e pyeti nëse ishte e virgjër, dhe ajo u përgjigj pozitivisht”, shkruan  The Herald Sun.

Ata e çuan fatkeqen Laville në shtëpinë e tyre në Saint-Cyr-les-Colons ku Fourniret përdhunoi Laville dhe më pas e mbyti për vdekje.

Mbetjet e trupit të vajzës u gjetën në fund të një pusi në 2006.

Vrasja e tyre e dytë ishte ndryshe nga të tjerat.

30 vjeçarja Farida Hammiche, ishte gruaja e një grabitësi me të cilin Fourniret kishte qenë në një qeli. Ajo e kontaktoi për të kërkuar ndihmë në gërrmimin e një sasie floriri të fshehur në një varezë në mars 1988.

Ai pranoi të ndihmonte dhe Hammiche e pagoi për punën, por një muaj më vonë Fourniret e mbyti atë dhe mori të gjithe floririn e gjetur për vete.

Me paratë e gjetura, Fourniret e Olivier blenë një shtëpi-kështjellëtë quajtur Château du Sautou në veri të Francës, ndërsa trupi Hammiche nuk u gjet kurrë. /TheSun, vijon nesër mbrëma/

Top Channel