Selena Gomez fton fansat nëpërmjet lëvizjeve sensuale “të kërcejnë me të”, në këngën e dytë në spanjisht

29/01/2021 11:31

Dy javë më parë këngëtarja surprizoi fansat duke kënduar në spanjisht “Da una vez”. Më shpejt seç pritej, Selena sjell këngën e dytë latine.

28-vjeçarja i dhuroi ndjekësve një tjetër paraqitje të saj në “Baila Conmigo”. Në videoklip, Rauw Alejandro dhe Selena Gomez rrëfejnë një histori dashurie midis dy personazheve në një qytet bregdetar. Selena tërheq vëmendjen teksa vallëzon me një fustan me saten në vende të ndryshme.

“Unë u largova që të mos harrosh / Se një vdekje si ti është ringjallur / Kur deti i fundit të thahet” këndon ajo në spanjisht. Imazhet kanë lënë shumë njerëz të supozojnë se ka të bëjë me dashuritë e saj të kaluara, përfshirë Justin Bieber dhe The Weeknd.

Këngëtarja shprehet e lumtur që i prezanton publikut këngë në spanjisht dhe është krenare për origjinën e saj latine. “Kjo ka qenë diçka që unë kam dashur të bëj për 10 vjet, duke punuar në një projekt spanjoll, sepse jam kaq, shumë krenar për trashëgiminë time dhe thjesht ndjeva vërtet se doja të ndodhte kjo“.

Më herët, Selena publikoi “Da una vez”, me një tematike tjetër, atë të ndarjes dhe dhimbjes që ndarja të shkakton. Por pavarësisht kësaj, këngëtarja këndon se është e fortë. “Unë jam më e fortë vetëm/ Thjesht nuk pendohem për të kaluarën / E di që koha pranë teje më preu krahët / Por tani jam e papërshkueshme nga plumbat“, këndon Selena në spanjisht.