Bosi i mafies bën dasmë tek kisha ku u varros armiku numër 1 i tyre, gjyqtari Falcone! Reagon prifti: Nuk e dinim që..
25/04 10:45
Pascal Soriot i tha gazetës italiane La Repubblica se ekipi i AstraZeneca po punonte “24/7 për të rregulluar shumë çështje të prodhimit të vaksinës”.
Ai tha se prodhimi ishte ” dy muaj prapa nga aty ku donin të ishin”.
Ai gjithashtu tha se vendimi i vonë i BE për të nënshkruar kontrata i kishte dhënë kohë të kufizuar për të zgjidhur problemin me furnizimin.
Soriot, shefi ekzekutiv MB-Suedeze, tha se një kontratë me Mbretërinë e Bashkuar ishte nënshkruar tre muaj para asaj me BE, duke i dhënë më shumë kohë për të mënjanuar të gjitha çrregullimet.
Ai i tha La Repubblica se problemet në “shkallëzimin” e prodhimit të vaksinave po përjetoheshin në dy impiante, një në Holandë dhe një në Belgjikë.
“Eshtë e komplikuar, veçanërisht në fazën e hershme ku duhet të zgjidhni vërtet të gjitha llojet e çështjeve,” tha ai.
“Ne besojmë se i kemi zgjidhur ato çështje, por ne jemi në thelb dy muaj më vonë se ku donim të ishim.”
Ai shtoi: “Ne gjithashtu kemi pasur probleme si kjo në zinxhirin e furnizimit në Mbretërinë e Bashkuar. Por kontrata me Mbretërinë e Bashkuar u nënshkrua tre muaj para marrëveshjes evropiane të vaksinave. Kështu që me MB-në kemi pasur tre muaj shtesë për të rregulluar të gjitha problemet që kemi me hasur.
Top Channel
