Doli hapur kundër qeverisë në këngët e tij, dënohet me vdekje reperi iranian! U torturua dhe u izolua për 252 ditë 26/04 08:55
Presidenti amerikan Joe Biden ka kërkuar ndjesë pasi disa anëtarë të Gardës kombëtare që u vendosën në Capitol Hill, u fotografuan duke fjetur në një parkim makinash.
Më shumë se 25 mijë trupa u dislokuan në Washington DC për inaugurimin e tij pas dhunës së mëhershme të këtij muaji. Imazhet u shpërndanë në mediat sociale dhe televizione duke treguar trupat e detyruara të qëndronin në një parkim të kongresit pasi ligjvënësit u kthyen në Capitol.
Kushtet shkaktuan zemërim mes politikanëve dhe disa guvernatorë shtetesh i tërhoqën trupat e tyre pas polemikave. Shumë kush ngriti zërin për kushtet, me trupat e ekspozuara ndaj tymrave të makinave dhe pa akses të përshtatshëm në tualete apo shërbime të tjera pasi kishin qenë në gadishmëri për ditë të tëra. Biden bisedoi me shefin e byrosë së gardës kombëtare për ti kërkuar ndjesë dhe për tu interesuar se si mund të ndihmonte. Zonja e parë Jill Biden, po ashtu vizitoi disa nga trupat për ti falenderuar ato personalisht e madje u ofroi edhe biskota nga shtëpia e bardhë. “Doja thjeshtë të vija tek ju dhe t’ju falenderoja që më mbajtët mua dhe familjen time të sigurt”, tha ai. Një zyrtar amerikan, duke folur në kushte anonimiteti për agjencinë e lajmeve Reuters, tha të premten se mes 100 deri në 200 nga trupat e dislokuara kishin rezultuar pozitiv për Covid 19. Shifra, që mund të përbëjë vetëm një pjesë të vogël në mesin e 25 mijë trupave të dislokuara, nuk është konfirmuar zyrtarisht.
Top Channel
