Reshjet e shiut në qarkun e Lezhës sollën problematika të shumta sa i takon përmbytjeve të tokave bujqësore, banesave por dëmtuan ura dhe rrugë në disa fshatra të Lezhës.
Fermerët e Zadrimës tregojnë se përmbytjet në zonën e tyre janë të shpeshta për shkak të Lumit Gjadër. Tokat për ditë me radhë qëndruan nën pushtetin e ujit duke prishur të gjitha kulturat bujqësore.
Kanalet janë pastruar, tregojnë banorët pasi në të kundërt situata do të ishte edhe më e rëndë.
Uji tashmë në pjesën më të madhe është larguar por fermerët frikësohen nga përsëritja e kësaj situate.
Top Channel
