Vangjel Dulen dhe Shpëtim Idrizin i bashkoi opozita. Afrimi i PDIU-së në koalicionin opozitar të drejtuar nga Lulzim Basha vuri në pikëpyetje qëndrimin e PBDNJ-së në frontin opozitar, por shumë shpejt çamët e Idrizit dhe dhe përfaqësuesi i minoritetit grek arritën një kompromis të heshtur për të qëndruar bashkë në një koalicion deri ditën e zgjedhjeve
Por, me garën elektorale në prag, ujërat në kampin opozitar janë trazuar sërish. Lulzim Basha i duhet të gjejë një të “mesme të artë” për dy aleatët pasi dalja e Idrizit dhe Dules në një listë të përbashkët duket mision i pamundur. Burime nga tryeza e negociatorëve bëjnë me dije për Top Channel se një ndër skenarët e diskutuar është kandidimi i Vangjel Dules në zonën fituese të listës së PD-së në Korçë dhe Shpëtim Idrizit në pjesën fituese të listës së demokratëve në Vlorë. Por, kjo ofertë mesa duket nuk është e mjaftueshme për çamët e Idrizit të cilët kërkojnë më shumë vende në Parlamentin e ri, ashtu sikurse edhe PDBDNJ e Vangjel Dule.
Negociatat në selinë blu duket të vështira, ndërkohë presioni është shtuar ditët e fundit pasi edhe republikanët e Fatmir Mediut janë të pakënaqur me ofertën e bere vetëm për një vend te sigurte ne listat e PD-së . Deri me tani Lulzim Basha ka arritur të mbylle marrëveshje vetëm me 3 aleatë, Agrarët e Dukës, LZHK-në e Shehit dhe PDK e Nard Ndokës duke iu dhënë vetëm një vend të sigurt për kryetarët dhe përfaqësim me kandidatë poshtë zonës së sigurt.
Top Channel
