Kriza e refugjatëve në Bosnjë- Hercegovinë, emigrantët qëndrojnë në çadra pa ngrohje dhe pa energji elektrike

Qindra refugjatë janë detyruar të kthehen në një kamp të përkohshëm që u shkatërrua nga zjarri muajin e kaluar.

Peter Van der Auweraert i Organizatës Ndërkombëtare për Migracionin ka postuar në Twitter foto të çadrave të ngritura në kampin Lipa nga ushtria boshnjake disa ditë më parë.

Lipa tha që zhvendosja e emigrantëve në çadrat me ngrohje është në proces. “Ky është një hap i rëndësishëm“, thotë ai. Çadrat e reja u sollën nga ushtria.

Kampi u ngrit me nxitim në verë kur pandemia e koronavirusit i detyroi shtetet të merrnin masa kufizimi, duke përfshirë mbylljet e kufijve.

Por agjencitë e ndihmave u tërhoqën nga kampi në dhjetor, duke thënë se ishte e paqëndrueshme, pa ujë dhe energji elektrike.

Sidoqoftë, rreth 900 refugjatë duhej të ktheheshin atje, pasi zyrtarët lokalë refuzuan t’i lejonin të lëviznin në qendrën e zbrazët të pritjes në Bihac. 1500 të tjerë po luftojnë në kushte primitive diku tjetër afër qytetit.

“Këtu është shumë ftohtë. Është shi dhe koha është shumë e ftohtë, ne nuk mund të flemë këtu,” tha një emigrant për gazetarin e BBC.

Emigrantët janë nga Azia e Jugut, Afrika dhe Lindja e Mesme dhe mbetën në Bosnjë-Hercegovinë ndërsa përpiqeshin të arrinin Kroacinë, një vend anëtar i BE i parë si një portë për në BE.

Disa emigrantë hynë në grevë urie, të zemëruar nga mungesa e pajisjeve.

Por të martën shumë morën pako ushqimore të Kryqit të Kuq.

“Ne duam që njerëzit në qendrat e duhura të pritjes ku ata kanë qasje në shërbime, si 6,000 njerëz të tjerë në Bosnjë“, i tha z. Van der Auweraert, në Bosnjë-Hercegovinë, për BBC.

Autoritet në vend thonë se rreth 8,500 emigrantë jo-anëtarë të BE-së janë duke jetuar në Bosnjë, ende duke shpresuar të arrijnë në Evropën Veriore.

Vitet e fundit mijëra njerëz, përfshirë refugjatë nga konfliktet në Afganistan dhe Siri, kanë hyrë në Bosnjë me shpresën për të marrë azil në BE.

Top Channel