Përçmim në Danimarkë ndaj serialit televiziv për fëmijë për ‘burrin me penis gjigand’

08/01/2021 21:40

Një serial i ri për fëmijë në televizionin shtetëror të Danimarkës ka shkaktuar përçmim dhe habi mes publikut. Filmi i animuar tregon për personazhin John Dillermand, i cili ka një penis aq të madh sa me të ai mund të valëvisë flamur, të kryejë operacione shpëtimi, apo dhe të vjedhë akullore nga fëmijët.

Seriali i ri në televizionin shtetëror të Danimarkës DR, thotë se është për fëmijët katër deri në tetë vjeç dhe tregon sesi personazhi i pazakontë kalon sfidat e tij me ndihmën e organit të tij të pamasë.

“A është ky mesazhi që duam t’i dërgojmë fëmijëve në mesin e valës së zemërimit prej abuzimeve seksuale dhe lëvizjes #MeToo?”, tha shkrimtarja daneze Anne Lise Marstrand-Jørgensen.

Profesori i Roskilde University Christian Groes, tha se programi me celebrimin e forcës së organit mashkullor kthen prapa lëvizjen e barazisë gjinore. “Kjo nxit standardin e shoqërisë patriarkale dhe nuk është fare humoristike apo e padëmshme”, tha ai.

Ndërsa psikologia vendase Erla Heinesen Højsted, tha se kundërshtarët e shfaqjes po i mendojnë gjërat më shumë se ç’duhet.

“Programi përshkruan një burrë është impulsiv dhe jo gjithmonë e kontrollon veten, ai bën gabime, si edhe fëmijët, por e rëndësishme është se Dillermand gjithmonë bën veprimin e duhur në fund. Ai mban përgjegjësi për veprimet e tij. Kur një grua i thotë ta mbajë penisin në të mbathura, ai dëgjon. Kjo është e përgjegjshme”.

Televizioni shtetëror danez DR, ka një reputacion për shtyrje të kufijve me absurditete. Në një tjetër program për fëmijë, personazhi i njohur Onkel Reje shumicën e kohës shan të tjerët, pi duhan me llullë dhe nuk lahet, kurse personazhi Gepetto pëlqente të vishte rroba femrash.

FOTO GALERI
1/5

Top Channel