Mbretëria e Bashkuar testin mbi COVID-19 e bën të detyrueshëm për udhëtarët ndërkombëtarë

Ata që nuk arrijnë të prodhojnë një rezultat testimi gjatë mbërritjes, përfshirë qytetarët e Mbretërisë së Bashkuar, do të duhet të paguajnë një gjobë prej 500 £ (678 dollarë).

Të gjithë udhëtarët do të jenë të detyruar të plotësojnë një formular për gjetjen e pasagjerëve, ndërsa ata që mbërrijnë nga vendet që nuk janë në listën e korridoreve të udhëtimit të qeverisë do të duhet të izolohen për 10 ditë.

“Veprimi vendimtar i sotëm (8 janar 2021) është si përgjigje e ndryshimeve që shihen në transmetimin e virusit si në vend ashtu edhe në të gjithë globin”, theksohet në një deklaratë të qeverisë së Britanisë.

Grant Shapps, sekretari i transportit në Mbretërinë e Bashkuar, tha se masa të konsiderueshme tashmë janë të vendosur për të parandaluar rastet e importuara, por “masa të tjera paraprake” ishin të nevojshme për shkak të “varianteve të reja të virusit që zhvillohen në nivel ndërkombëtar”.

Rritja e rasteve pozitive në të gjithë Mbretërinë e Bashkuar arriti në 400 mijë brenda javës së fundit, sipas të dhënave zyrtare.

Rritja e shpejtë erdhi pasi zyrtarët britanikë të shëndetësisë raportuan një variant të ri të virusit në dhjetor.

Në të gjithë Mbretërinë e Bashkuar, numri i njerëzve që vdiqën brenda 28 ditëve nga testi i tyre i parë pozitiv COVID-19 tani është më shumë se 78.500, tregojnë shifrat e fundit.

Top Channel