Tërmeti godet përsëri Petrinjën/ Në tre ditët e fundit, 57 tërmete janë ndjerë në Kroaci

07/01/2021 20:27

Një tërmet i ri goditi Kroacinë qendrore.

Sipas EMSC, madhësia ishte 3.5 e Shkallës Rihter dhe epiqendra ishte gjashtë kilometra në jugperëndim të Sisakut. Qytetarët raportojnë se është ndjerë një dridhje e fortë në zonën e Sisakut dhe Petrinjës dhe disi më dobët në Zagreb.

EMSC gjithashtu raporton se ky është tërmeti i 57-të i ndjerë në Kroaci në 73 orët e fundit, raporton index.hr.

Le të ju kujtojmë se më herët sot në zonën e Petrinjës, u ndjenë edhe dy tërmete të tjera me forcë mesatare,  njëri me magnitudë 3.8 të shkallës Rihter dhe tjetri me madhësi 3.3.

Terreni në zonën e Banovinës vazhdon të lëkundet pasi një tërmet shkatërrues me madhësi 6.2 që goditi Petrinjan dhe zonën përreth më 29 dhjetor.

Top Channel