“Shoqen tonë e bëmë ministre dhe nuk erdhi as në mbledhje, do ta bëj të skuqet”, kush është ish-ministrja që nuk iu përgjigj Metës në telefon 19/04 23:04
Yuri Kim
Ambasadorja amerikane, Yuri Kim e ka cilësuar lajm të madh miratimin e Altin Binajt si gjyqtar të 5-të të Gjykatës Kushtetuese.
Kim thotë se tani duhet edhe vetëm një gjyqtar që Gjykata Kushtetuese të jetë funksionale, dhe ajo shpreson që KED tashmë të dërgojë listën e kandidatëve tek Presidenti i Republikës.
Për ambasadoren amerikane, ngritja e Gjykatës Kushtetuese e çon Shqipërinë një hap më afër BE.
Postimi
“Lajm i madh: Parlamenti miratoi gjykatësin e GJK. Shqipëria tani ka nevojë edhe për një gjykatës për të pasur një Gjykatë Kushtetuese funksionale. Presim që KED t’i dërgojë Presidentit listën e kandidatëve sa më shpejt… Kjo është një arritje e madhe e cila do e çojë Shqipërinë më afër BE-së dhe pasqyron bashkëpunimin e fortë midis KED, Presidencës & Parlamentit.”
Reforma në drejtësi nuk do të jetë e lehtë, e shpejtë apo perfekte, por po bën progres, hapa pas hapi dhe duhet të vazhdojë. SHBA do të vazhdojë të mbështesë fuqimisht dëshirën e shqiptarëve për një sistem drejtësie transparent, të drejtë dhe funskional.
Po ashtu këtë hap e ka përshëndetur dhe ambasadori i BE, Luigi Soreca:
Sot Parlamenti Shqiptar ka caktuar Z. Altin Binaj si Anëtar të Gjykatës Kushtetuese, duke u bazuar në opinionit e Komisonit të Venecias qershorin e kaluar. Kjo sjell funksionalitetin e plotë të Gjykatës.Është thelbësore tani që KED të finalizojë pa vonesë listat për Anëtarët e tjerë që do të emërohen nga Presidenti. Funksionaliteti i plotë i Gjykatës është një hap kryesor për të kompletuar listën e kushteve të nevojshme për fillimin e KPGJ-së së parë për bisedimet e pranimit.
Top Channel
