Përfundon protesta për Klodianin/ Dita e 4-t, çfarë ndodhi sot!
12/12/2020 20:46
Ishte planifikuar të mbahej sot, anulohet provimi i Magjistraturës për fazën e dytë! Ja kur pritet të zhvillohet 24/04 15:49
Përfundoi protesta e nisur në 18:00 për vrasjen e të riut Klodian Rasha ndërsa rrugët e kryeqytetit janë boshatisur dhe ka rënë sërish qetësia. E megjithatë pas protestës së tensionuar, policia vijon me identifikimin e qytetarëve.
“Nëse na vrisni do jemi dëshmorë, kurse ju tradhtarë”, “Në Shqipëri pushteti dhe padrejtësia janë sinonime”, ishin disa nga pankartat që mbizotëruan në protestën e sotme e cili nisi e qetë por nuk vazhdoi e tillë.
Pas një marshimi që nisi që nga kryeministria, protestuesit ndërsa ecën drejt rrugës së Myslym Shyrit thyen objekte, shkulën tabelat dhe hodhën kapsollat, nga një prej të cilave u dëmtua në sy dhe një efektiv.
Policia veprimeve të tyre iu përgjigj me gaz lotsjellës, ndërsa shumë të rinj edhe u shoqëruan. Ajo që u vu re ishte pjesëmarrja e madhe në numër e adoleshentëve.
Kujtojmë se 3 ditët e para të protestës ka pasur tensione dhe dhunë nga ana e protestuesve të cilët kanë sulmuar institucionet, dhe kanë shkatërruar semaforë, tabela.
Protesta janë zhvilluar dhe në disa qarqe të vendit, në disa prej tyre të qeta e në disa me tensione dhe shkatërrime. Një prej tyre ka qenë edhe ajo e Shkodrës sot, ku u sulmua edhe selia e PS, po ashtu edhe në Durrës, Fier dhe Elbasan.
Top Channel
