“Ka një dramë e një komedi për mësuesin”, intervista e veçantë e Artan Fugës në “Top Story”: Kemi një “tradhti” të elitave 25/11 23:02
Lëvizjet demokrafike pritet të ndryshojnë hartën elektorale të paktën në 3 qarqe në zgjedhjet e 2021. Në projektvendimin e përgatitur nga organi kryesor i administrimit te zgjedhjeve parashikohet që Tirana të ketë dy deputetë më shumë duke e çuar numrin e mandateve nga 34 ne 36, ndërkohë Gjirokastra dhe Dibra pritet te humbasin nga një mandat.
Dy partitë e mëdha duket se nuk preken nga shpërndarja e re e mandateve pasi në Tiranë mandatet e shtuara ndahen ne mënyrë të barabartë një për PD dhe një për PS. Në zgjedhjet e shkuara parlamentare Partia Demokratike në kryeqytet arriti të fitonte 11 deputet, me shtimin e dy mandateve të reja për qarkun e Tiranës, ku njëri sipas rezultatit të zgjedhjeve të 2017 i kalon PD-së, atëherë fitues rezulton edhe Gert Bogdani i renditur i 12-ti. Socialistët në këtë qark arritën të fitonin 18 deputet dhe sipas të njëjtës përllogaritje mandatesh, PS-së në këtë zonë zgjedhore do të fitonte 19 deputet.
Ndarja e re e mandateve e bën qarkun e Dibrës me 5 mandate nga 6 dhe ai që cenohet është mandati i dytë i demokratëve në këtë zonë, pra Xhemal Gjunkshi nëse i referohemi zgjedhjeve te shkuara . Konkretisht Partia Demokratike arriti të fitonte në zgjedhjet e 2017 dy mandate parlamentare me një total prej 21.331 votash. Por, me rishpërndarjen e deputetëve, rezulton se deputetin e dytë në këtë zonë demokratët nuk do ta arrinin ta fitojnë dot pasi do t’ju nevojitej një numër më i madh votash.
Në Gjirokastër panorama e ndryshimeve të mandateve prek socialistët. Në zgjedhjet e 2017-tës Partia Socialiste mori tre mandate parlamentare, përkatësisht Bledar Cuci, Mirela Kumbaro dhe Flamur Golemi. Ky i fundit dha dorëheqjen nga mandati i deputetit duke u zgjedhur në krye të Bashkisë Gjirokastër dhe në Kuvend u fut Artemis Malo. Por, ky mandat i tretë është ai që i bie socialistëve. Konkretisht PS mori 27.222 vota dhe ndarja e re duke ulur numrin e mandateve për këtë zonë zgjedhore rrit më shumë pragun natyral për fitimin e mandatit të tretë.
Top Channel
