Covid-19/ Spanja bën thirrje për ‘logjikë’ pas skenave kaotike në qendrat tregtare (Fotot)

30/11/2020 20:26

Qeveria spanjolle i ka bërë sot thirrje qytetarëve të tregohen të përgjegjshëm dhe të përdorin “logjikën” pas skenave të blerjeve të fundjavës me turma që mbushnin rrugët e Madridit e qyteteve të mëdha, kur vendi vijon betejën me valën e dytë të koronavirusit.

Kryeminsitri Pedro Sánchez i kërkoi njerëzve të reduktojnë jetën e tyre sociale dhe të kufizojnë lëvizjet për të mirën e përbashkët.

Por një kombinim i ofertave me ulje në sezonin e blerjeve dhe ndezjes së dritave të Krishtlindjeve, sollën turma gjigande në rrugët e Madrid, Barcelona, Valencia e Málaga në fundjavë.

Sot ministrja spanjolle e shëndetësisë Silvia Calzón, nxiti njerëzit të tregohen të zgjuar duke evituar grumbullimet.

“Ne i bëjmë apel sensit të kujdesit dhe përgjegjësisë së gjithë secilit. Nëse e pëlqejmë vërtet Krishtlindjen, le të sigurohemi që të jemi këtu dhe për Krishtlindjet e vitit që vjen”, tha ajo.

Ndërsa Ignacio Aguado, zëvendës-president i rajonit të Madrid nuk i dha rëndësi turmave duke i quajtur normale. “Më mirë të jenë në grupe të mëdha në rrugë, sesa në shtëpi,” tha ai për rrjetin LaSexta TV.

Kryebashkiaku i Madrid, José Luis Martínez-Almeida, gjithashtu tha se nuk i ndalonte njerëzit të dilnin në qendër të qytetit, duke thënë se policia ka planet e saj për evitimin e grumbullimeve të mëdha.

Qeveria spanjolle shpreson të evitojë një tjetër rritje të rasteve me Covid, duke sugjeruar që darkat e Krishtlindjeve të kufizohen në gjashtë persona, si dhe duke vendosur shtetrrethimin nga ora 01.00 deri në 06.00 në natën e krishtlindjeve dhe Vitit të Ri.

“Ne po punojmë për një plan të festave që do të jetë ndryshe por do të jetë i sigurtë. Këtë vit do të duhet të qëndrojmë në distancë nga të dashurit, dhe jo t’i përqafojmë ata”, tha më herët kryeministri Sánchez.

FOTO GALERI
2/4
Kryeminsitri Pedro Sánchez i kërkoi njerëzve të reduktojnë jetën e tyre sociale dhe të kufizojnë lëvizjet për të mirën e përbashkët.

Top Channel