25 prilli, data që përkon me ditën e zgjedhjeve elektorale në Shqipëri është pranë, për këtë arsye, Top Channal do të vijë së shpejti me një emision unik, të titulluar “Kandidati”.
Programi do të ketë në fokus profilin e kandidatëve për deputetë, të atyre njerëzve që do të na vijnë e të na kërkojnë votën. Një intervistë ndryshe, ku do të përfshihen shumë aspekte edhe të pathëna më parë, që do të nxirren në pah nga pyetjet e gazetarit Eno Popi.
Për të folur më shumë rreth këtij formati, Eno ishte i ftuar në emisionin “Shqipëria Live”, ku theksoi se edhe pse partitë politike deri më tani po parapëlqejnë të mos zbulojnë emrat e kandidatëve, në drejtim të emisionit kanë vërshuar 50 kërkesa.
Kjo shërben dhe si një promovim i mirë për kandidatët, të cilët, dëshirojnë të njihen gjerësisht nga populli.
Për të mësuar më shumë ju ftojmë të ndiqni videon e mëposhtme.
Top Channel
