Momentet e pabesueshme kur burri ‘rikthehet nga vdekja’ pak para se të futej në krematorium në Indi (foto-video)
25/11 15:22
Numri i ushtarëve armenë, të vrarë në konfliktin në Nagorno Karabak, është rritur në 1,221, njoftoi të hënën Ministria e Mbrojtjes e rajonit.
Në deklaratë thuhet se 44 ushtarë të tjerë u vranë në përleshjet me ushtrinë e Azerbajxhanit.
Përleshjet kanë shpërthyer qysh më 27 shtator dhe janë në nivelin e tyre më të keq që nga konflikti i viteve 1990, që ka lënë mbi 30,000 njerëz të vrarë.
Nagorno Karabaku njihet ndërkombëtarisht si pjesë e Azerbajxhanit, por qeveriset nga armenët etnikë, me mbështetjen e Qeverisë armene.
Një luftë midis dy vendeve për kontrollin e këtij rajoni ka përfunduar në vitin 1994 me armëpushim, por pa marrëveshje të paqes.
Luftimet e fundit kanë lënë edhe qindra civilë të vrarë dhe kanë pasur kosto edhe në ushtrinë e Azerbajxhanit.
Të dielën, zyrtarët azebajxhanas thanë se kanë marrë kontrollin e një qyteti kyç në Nagorno Karabak.
Presidenti Ilham Aliyev tha se forcat azerbajxhanase kanë marrë Shushën, që në Armeni njihet si Shushi.
Armenia i mohoi këto pretendime dhe tha se luftimet vazhdojnë.
“Beteja në Shushi vazhdon, prisni dhe besoni në trupat tona”, shkroi në Facebook zyrtari i Ministrisë armene të Mbrojtjes, Artsrun Hovhannisyan.
Top Channel
