Etiketimet e pedagogut Arlind Qori për Trump dhe Biden: Njëri mediokër e tjetri i paaftë

Pedagogu Arlind Qori, tha se sipas tij të dy kandidatët nuk janë shpresëdhënës për drejtimin e një nga shteteve më të fuqishme të botës. Sipas tij, kandidat në vend të Joe Biden mund të ishte Bernie Sanders, i cili konkurroi brenda partisë demokratie me Joe Biden, për kandidaturën e presidentit.

Pedagogu thotë se Bernie Sanders mund të merrte votën e të rinjve, të cilët janë shumë pak të angazhuar në procesin e votimit. Qori tha se shpresën e vetme e shikon nga lëvizjet shoqërore, të cilët sipas tij mund të ushtrojnë presionin e duhur në rast se Biden zgjidhet president për të ndërmarrë politika progresive.

Arlind Qori: Askush nuk mund ta thotë me siguri. Unë mbaj mend nga zgjedhjet brenda partisë demokrate, Bernie Sanders udhëhiqte në dy kategori popullsie ndaj Joe Biden, tek të rinjtë dhe votuesit i pa varur. Unë mendoj që pjesëmarrja masive e të rinjve në këto zgjedhje dhe animi i votuesve të pavarur më shumë tek Bernisanders-i do ta bënte fitoren e demokrateve më të thellë. Ndërkohë programi i Bernie Sanders-it ishte më social. Sot po vuan Joe Biden, po vuan në shtete që dikur ishin demokratë, në zonat ish-industriale. Unë mendoj që Bernie Sanderes do të ishte më e pasur, ai ka mundësi të apelojë të varfrit, punëtorët, ish-punëtorët industrial. Ai do të tërhiqte të rinjtë, kjo është hipotezë, unë mendoj që edhe gara politike do të ishte më interesante. Kini parasysh Joe Biden është një figurë shumë mediokre edhe nga pikëpamja kulturore intelektuale, një nga figurat më të pak tunduese që kanë nxjerrë demokratët në zgjedhje në dekadat e fundit. Unë mendoj që përballë Trump-it, i cili është një lloj personazhi karizmatik, gjysmë sharlatan, e gjëra të kësaj natyre, demokratët po hasin vështirësi. Demokratët kishin në plan që të fitonin edhe zgjedhjet në senat, me shumë gjasë, republikanët do e ruajnë përparësinë e tyre, çka do të bënte që Biden të mos kishe hapësirën e nevojshme për politika, siç janë ato politike e që janë të nevojshme për njerëzit më të munduar në SHBA.

Denis Dyrnjaja: Nëse ti do të ishe Amerikan për çfarë do të votoje?

Arlind Qori: Unë mund të shkoja për Joe Biden, pa zemër fare, siç thuhej dikur do të mbaja hundën mbyllur dhe do të votoja për të. Trump-i konsiderohet nga shumëkush si një lloj rreziku për demokracinë liberale, një lloj rreziku në marrëdhënien ndërkombëtare, një lloj rreziku për ekuilibrat klimatik. Kini parasysh që ai doli nga traktatet ndërkombëtare të ruajtjes së parametrave klimatikë. Mirëpo unë nuk mbaj ndonjë shpresë nga Joe Biden. Shpresa ime është tek këto lëvizjet shoqërore nga poshtë, që në rast se do të fitojë Biden, duhet t’i bëjnë presionin e duhur, që ai le të themi të ndërmarrë politika progresiste. Për mua Biden është një politikan i zbrazët, pa përmbajtje, në këtë kuptim kjo ka të mirën e vet, sepse besoj që mund të shtyhet në drejtimin e duhur në rast se aty poshtë ka lëvizje shoqërore të lëvizje shoqërore të lëvizshme mjaftueshme.

Top Channel