Shqipëria ndryshon kundërshtarin nga Covid, zgjedh Kosovën për miqësoren e radhës
28/10/2020 10:28
Një turk për kuqezinjtë, Kurtulan zgjodhi Shqipërinë para Turqisë dhe Maqedonisë së Veriut 19/11 15:29
Shqipëria do të zhvillojë një ndeshje miqësoreje me Kosovën më 11 nëntor 2020.
Ndeshja do të luhet në stadiumin “ Elbasan Arena” në orën 17:00.
Njoftimi i FSHF-së:
Kombëtarja shqiptare e futbollit do të zhvillojë një vëllazërore me Kosovën më 11 nëntor 2020, datë ku më herët ishte njoftuar një sfidë miqësore me Gjibraltarin.
Zyra e shtypit në FSHF bën me dije se miqësorja me Gjibraltarin është anuluar për shkak të masave kufizuese në kuadër të pandemisë COVID-19, që vështirësojnë udhëtimet e skuadrave. Sipas marrëveshjes së arritur mes dy federatave, ndeshja do të zhvillohet në stadiumin “Elbasan Arena” dhe do të startojë në ora 17:00.
Pas takimit me Kosovën në muajin nëntor përfaqësuesja kuqezi do të zhvillojë edhe dy ndeshje zyrtare të vlefshme për UEFA Nations League, ndaj Kazakistanit më 15 nëntor dhe ndaj Bjellorusisë më 18 nëntor, që të dyja në shtëpi.
Top Channel
