Ministrja gjermane: G7 duhet t’i përgjigjet sulmit të Iranit kundër Izraelit 18/04 22:35
Presidenti Donald Trump u kap pas një komenti të rivalit të tij demokrat në Shtëpinë e Bardhë, Joe Biden, për mbylljen e industrisë së naftës duke e detyruar atë të shpjegohet e të fashisë konfuzionin që krijoi me pohimet e tij.
Ndihmësit e Biden thanë se ai ka qenë duke folur për fundin e subvencioneve për karburantet fosile, jo vetë industrinë atëherë kur foli për një “tranzicion” nga nafta. Biden vazhdon të ketë epërsi në sondazhe, por diferenca është më e ngushtë në një sërë shtetesh të lëkundura, të cilat mund të vulosin përfundimisht fatin e garës në 3 nëntor.
Në momentet finale të debatit të së enjtes, Trump e pyeti sfidantin e tij nëse do ta mbyllte industrinë e naftës.
“Do të bëja një tranzicion prej kësaj industrie, po. Sepse ndotja që ajo shkakton është shumë e madhe”, ishte përgjigja e Biden.
Sipas tij, karburantet fosile duhen zëvëndësuar në kohë me energji të ripëritshme, dhe kështu Shtetet e Bashkuara të shkojnë drejt ideales se zero emetimeve. Disa demokratë i entuziasmon ideja që Amerika t’u largohet varësisë së saj nga nafta dhe gazi si pjesë eluftës kundër ndryshimeve klimatike. Por kur vjen fjala tek votat, një politikë e tillë mund të shkaktojë zemërim mes votuesve të klasës punëtore në shtete kyce si Pennsylvania, Ohio dhe Texas, ku janë të vendosur shumica e të punësuarve të kësaj industrie.
Top Channel
