Përzgjedhja e kandidatëve/ 326 emra i dërgohen kryesisë së PD-së

23/10/2020 12:18

Përzgjedhja e kandidatëve për deputetë në Partinë Demokratike ka hyrë tashmë në fazën finale.

Pas votimit të emrave nga të gjitha degët e PD-së në vend, Komisioni i Vlerësimit të Kandidatëve ka bërë përzgjedhjen e dytë të listës. Kështu nga 3593 kandidatë të propozuar nga anëtarësia në fazën fillestare, në përfundim kanë mbetur 326 emra që të propozuar për përfaqësim politik në zgjedhjet e ardhshme politike apo lokale.

Lista në fjalë i është dorëzuar të pretmen paradite kryetarit të PD-së, Lulzim Basha dhe Sekretarit të Përgjithshëm, Gazment Bardhi, për ndjekjen e procedurave të mëtejshme sipas Statutit. Tashmë emrat finale që do të jenë në listën shumëemërore të PD-së, sipas qarqeve, do të miratohen nga kryesia e PD-së në një prej mbledhjeve të saj. Përzgjedhja e kandidatëve me propozimet e ardhura nga anëtarësia, duke kaluar në sitën e komsionit e më pas në votim nga strukturat, është një procedurë që ndodh për here të parë në forcat politike shqiptare.

Gjatë votimit në degët e PD-së, pati shumë emra që nuk morën mbështetjen e tyre, disa prej tyre figura të spikuatura vitet e fundit si Klevis Balliu.

Top Channel

Të gjithë për festa në Korçë/ Nuk gjen më vende në hotele e bujtina
Festa e pavarësisë në Vlorë/ Organizime të reduktuara në qytetin e ngritjes së flamurit
Vaksinohen edukatoret/ Nis procesi në të gjitha kopshtet e çerdhet e Tiranës
Nga 1 dhjetori mësimi do të zhvillohet i alternuar/ Nxënësit: Duam të rrimë në shkollë
Shembet pallati në Durrës/ Ishte dëmtuar shumë rëndë nga tërmeti i një viti më parë
“Pandemia Covid-19 ka frenuar lejet e ndërtimit. Instituti i Statistikave raporton se në total në të gjithë vendin lejet e dhëna nga bashkitë për ndërtime të reja gjatë periudhës Korrik – Shtator arritën në 262, në rënie me 14.9% krahasuar me të njëjtën periudhë të një viti më parë.” Por, në raport me tremujorin e kaluar që përkon me periudhën Prill – Qershor, kohë kur vendi ishte në karantinë ka një rritje të ndjeshme me 53 leje më shumë të miratuara. Tirana kryeson listën me numrin më të lartë me 68 leje të dhëna sipas Instat edhe pse në krahasim me të njëjtën periudhë 2019-ës, ka thuajse një përgjysmim të tyre. Qyteti bregdetar i Durrësit nga ana tjetër ka shënuar një rekord në lejet e dhëna nga bashkia me 49 të tilla në total. Kjo rritje e fortë e lejeve të miratuara për ndërtime të reja në Durrës lidhet kryesisht edhe me procesin e rindërtimit, i cili ka nisur tashmë zbatimin në zonat e prekura nga tërmeti. Paralelisht me uljen e numrit të lejeve, rënie ka pësuar edhe sipërfaqja e dhënë për ndërtesa të reja, teksa vlera e përafërt e lejeve të miratuara në tremujorin e tretë arriti vlerën e rreth 19.5 miliardë lekëve apo 157.5 milionë euro. Pjesa më e madhe e lejeve janë dhënë për ndërtesa banimi kryesisht për banesa njëkatëshe dhe dykatëshe, si dhe për ndërtesa të tjera për qëllime tregtare apo objekte të tjera për zyra.