Momentet e pabesueshme kur burri ‘rikthehet nga vdekja’ pak para se të futej në krematorium në Indi (foto-video)
25/11 15:22
Kamarierja Samantha Grace Guillerme, u arrestua së fundmi nga policia e Victoria, Australi, gjashtë pasi 37 vjeçari Jarrad Lovison, ishte parë herën e fundit gjallë.
24-vjeçarja është akuzuar për vrasje dhe hedhjen e trupit në një zonë pyjore në Australi.
Trupi i viktimës u gjet në Moondarra rreth 29km larg shtëpisë së tij në Victoria.
Ndërsa Guillerme u arrestua në shtëpinë e saj në Moe, 144km në lindje të Melbourne.
Policia ende nuk ka dhënë detaje të provave dhe akuzave të tyre por në profilin e të akuzuarës në Facebook thuhet se punon në një kafe të quajtur ‘Eat Live Fresh’.
Hetuesja Natalie Dean tha se gruaja e arrestuar do të mbetet në paraburgim për kohën e hetimeve.
Ajo shtoi se një Toyota e bardhë u sekuestrua gjatë arrestimit, dhe ka bërë apel për njerëz me informacion mbi çështjen.
Viktima ishte parë herën e fundit duke drejtuar biçikletën e tij më 16 prill dhe ishte takuar me një të njohur në parkun Prudens Track.
Trupi i tij u gjet më 23 maj në parkun Moondarra Forest, rreth 18km në veri të vendit ku ishte parë për herë të fundit.
Ndërsa biçikleta e tij u gjet dy ditë më vonë e mbështetur në një pemë disa kilometra më larg.
Në fillim të muajit prindërit e tronditur të viktimës bënin apel për informacion: “Ne duam të dimë vetëm kush ia bëri këtë djalit tonë dhe përse.”
Policia nuk ka deklaruar çfarë lidhje kishte viktima me të akuzuarën. Hetimet vazhdojne.
Top Channel
