VIDEO/ Tronditëse, babai detyron 6-vjeçarin të vrapojë “drejt vdekjes”, i mituri rrëzohet disa herë në palestër dhe… 02/05 21:59
Donald Trump u shpreh se deri tani është shumë mirë pas infektimit me koronavirus, por ditët e ardhshme do të jenë sipas tij, vendimtare.
Kam nisur të ndihem mire. Nuk e di sesi do të shkojë gjatë ditëve në vijim, them se ai do të jetë testi I vërtetë. Kështu që këto ditë do ta shohim se c`do të ndodhë.
Një grup mjekësh që po e trajtojnë presidentin dhanë një vlerësim optimist një ditë më parë rreth gjendjes së tij.
Mjeku personal i presidentit, Sean Conley tha se aktualisht ai dhe ekipi i mjekëve që po e trajtojnë zotin Trump, janë jashtëzakonisht të lumtur me progresin që ka shënuar gjendja shëndetësore e tij. Megjithatë, shefi i Stafit i Shtëpisë së Bardhë Mark Meadows nuk ndau të njëjtin optimizëm ndërsa tha se “nuk jemi ende në një rrugë të qartë drejt rimëkëmbjes së plotë”. Shefi i Shtëpisë së Bardhë për momentin duket se nuk po merr oksigjen. Po me çfarë po trajtohet presidenti I shtetit më të fuqishëm të botës?
Sipas USA Today, Trumpit i është administruar si fillim një mjekim eksperimental, një koktej antitrupash i quajtur Regeneron. Po kështu i është dhënë zink, vitamin D, një mjekim për djegie stomaku, një aspirinë në ditë, ndërsa ka nisur dhe terapinë me Remdesivir.
Presidenti është duke punuar nga spitali e sipas zyrtarëve të Shtëpisë së Bardhë nuk do të ketë transferim të pushtetit tek zëvendësi i tij, Mike Pence.
Top Channel
