Sergino Dest-Barcelona, punë e kryer
30/09/2020 18:50
Tirana mbetet në dorë të Refik Halilit, Gjykata pezullon ankandin deri në shqyrtimin e çështjes në themel 24/04 12:50
Amerikani 19 vjeçar, Sergino Dest është pranë zyrtarizimit te gjiganti blaugran, Barcelona.
Dest i cili luan si mbrojtës i krahut të djathtë për Ajaxin, javëve të fundit është spekuluar se po kërkohet nga Barcelona dhe Bayerni. Por lojtari ka bërë të qartë se dëshiron që të luaj për Barcelonën dhe jo për Bayernin, gjë e cila ka ndikuar në përshpejtim të marrëveshjes.
Barcelona thuhet se ka bërë një ofertë rreth 25 milionë euro plus bonuset për Dest, ofertë e cila thuhet se është pranuar nga drejtuesit e klubit holandez, Ajax.
Dest ka arritur sot në Barcelonë, ku pritet të përfundoj testet mjekësore dhe më vonë të nënshkruajë për “Blaugranët”.
Ndërkohë, Ronald Koeman, tekniku i Barcelonës, në konferencë për media ishte pyetur për Dest ku u përgjigj që lojtarit i ka mbetur vetëm të nënshkruaj dhe që deri atëherë nuk do flasë për të.
“Sergino është duke përfunduar testet mjekësore dhe se ende nuk ka nënshkruar kontratën”. “Deri sa të nënshkruajë kontratën, preferoj që të mos flas për këtë temë”, tha Koeman.
Top Channel
