Kosovë/ 1 mijë e 457 raste aktive me COVID-19
30/09/2020 08:52
Shtyhet votimi në OKB për rezolutën për gjenocidin në Srebrenicë 25/04 21:57
Numri total i rasteve pozitive me SARS CoV-2 në Kosovë është 15 mijë e 574 raste nga 67 mijë e 294 persona të dyshuar për infektim nga ky virus. Shifra këto që u bënë që nga 13 marsi kur edhe janë paraqitur dy rastet e para të të infektuarve me virusin korona.
Virusin korona arritën që ta mposhtin 13 mijë e 492 persona, por janë 625 të tjerë të cilët kanë vdekur shkak i infektimit me këtë virus.
E në 24 orët e fundit Instituti Kombëtar i Shëndetësisë Publike të Kosovës, njoftoi se nuk ka asnjë rast të vdekjes gjatë kësaj kohe. Ndërkaq janë paraqitur edhe 54 raste të reja me COVID-19.
Kurse numri i rasteve aktive në Kosovë është 1 mijë e 457.
“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 670 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 54 raste pozitive. Brenda 24 orëve nuk është raportuar asnjë rast i vdekjes me SARS CoV-2 pozitiv. Numri total i rasteve pozitive është 15.574 raste nga 67.294 persona të dyshimtë në virusin SARS-CoV-2 dhe 625 raste të vdekjes. Gjatë 24 orëve të fundit, janë shëruar 72 pacientë derisa numri i përgjithshëm i të shëruarve deri më sot është gjithsej 13.492 raste, kurse numri i rasteve aktive është 1.457”, tregojnë të dhënat e IKSHPK-së.
Prishtina sërish është komuna me më së shumti raste pozitive.
26 raste me COVID-19 në 24 orët e fundit janë paraqitur në komunën e Prishtinës, 8 raste në Ferizaj, ndërsa në 4 raste në komunën e Lipjanit, po ashtu 4 raste edhe në Vushtrri.
Në Gjilan janë dy raste pozitive me COVID-19, dy janë në Fushë Kosovë dhe dy janë në Skenderaj, ndërsa me nga një rast janë në Drenas, Obiliq, Pejë, Podujevë e Shtime.
Top Channel
