Foto ilustruese

Një 14-vjeçare ka sjellë në jetë një fëmijë  në Kliniken e Gjinekologjisë në Prishtinë.

Sipas mediave kosovare, 14-vjeçarja me inicialet M.M ka lindur në Shqipëri ndërsa është e martuar dhe jeton në Mitrovicë.

Rastin e ka konfirmuar edhe drejtori i Klinikës gjinekologjike në Prishtinë, Jakup Ismajli, i cili tha se si nëna edhe foshnja janë në gjendje të mirë shëndetësore dhe tashmë janë liruar nga spitali.

“Të hënën në Kliniken Gjinekologjike në Prishtinë ka lindur fëmijën një vajzë 14-vjeçare me inicialet M.M. Gjendja shëndetësore e nënës dhe fëmijës është e mirë, është liruar nga spitali dhe tashmë gjendet në shtëpinë e saj”, tha Ismajli.

Ismajli po ashtu deklaroi se për këtë rast e kanë lajmëruar edhe Policinë e Kosovës për tu konsultuar.

Martesat në moshë të vogël janë një ndër problemet më të mëdha të shoqërisë shqiptare, edhe pse jetojmë në shekullin e XI akoma janë të pranishme.

 

Top Channel