“Hakerët shtetërorë rusë kanë sulmuar Gjermaninë”, ministrja e jashtme paralajmëron kundërpërgjigje: Nuk do të mbetet pa pasoja 03/05 10:50
E përditshmja amerikane Washington Post thotë së fundmi me ironi në një editorial se kryeministri izraelit dhe gruaja e tij vijnë vazhdimisht në Shtëpinë e Bardhë me valixhet plot me rroba ta palara “për të përdorur shërbimin e pastrimit falas që ofrohet aty”.
Zyra e Benjamin Netanyahu refuzonte ashpër pretendimet.
Akuzat në dukje figurative nuk kanë të bëjnë si me pastrimin e imazhit të Izraelit pas kritikave botërore për politikat e tij të kontestuara, por me një rast konkret kur zonja e parë izraelite Sara Netanyahu është akuzuar se ka ardhur në vizita shtetërore në SHBA me disa çanta me rroba të palara duke kërkuar pastrimin nga stafi i hotelit.
Pretendimet kanë dalë fillimisht në 2010, gjatë një hetimi të brendshëm për shpërdorim fondesh.
Megjithse është zakon që të ftuarit në Shtëpinë e Bardhë kanë shërbimin e larjes së rrobave, zakonisht ato janë vetëm një numër i kufizuar objektesh, kjo prej natyrës së shkurtër të vizitave shtetërore.
Por një zyrtar i paidentifikuar amerikan i tha Washington Post se “Cifti Netanyahus janë të vetmit që sjellin valixhe me rroba të palara që ne t’ua pastrojmë”.
“Pas përsëritjes në disa udhëtime, u bë e qartë se kjo ishte e qëllimshme”, tha burimi.
Zyrtarët izraelitë i kanë quajtur pretendimet “absurde” por pranonin se kjo kishte ndodhur vazhdimisht.
Netaniahu është aktualisht në gjyq për mashtrim, shkelje besimi dhe pranim rryshfeti.
Ai akuzohet se ka marrë $200,000 dollarë dhurata luksoze si puro e shampanjë, dhe akuzohet për influencim në media.
Zonja Netayanhu është shpallur fajtore për keqpërdorim fondesh publike në 2019 si pjesë e marrveshjes me prokurorët në çështjen ku akuzohej marrje shërbimesh ilegale catering-u.
Top Channel
