Bashkëshorti i shpëton akuzave të vrasjes së trashëgimtares së mbytur në pishinë, përfiton $4mln nga testamenti (fotot)
16/04 17:04
Nëna gjermane e dyshuar për vrasjen e pesë fëmijëve të saj, kishte ndaluar të shoqin të kryejë vetëvrasje në prill, thonin sot gazetat vendase.
E identifikuara si Christiane K. u përpoq t’i jepte fund jetës pasi ka vrarë me helm pesë fëmijët e saj nga një deri në tetë vjeç. Ajo u hodh në binaret e trenit por ka mbijetuar me plagë të rënda.
Sipas të përditshmes Bild, bashkëshorti i saj, baba i disa prej fëmijëve, tentoi të vriste veten në prill dhe policia erdhi në adresën e tyre në Solingen, por ndihma e tyre ishte refuzuar.
Fqinjët thonin sot se policia dhe shërbimet sociale kishin ardhur disa herë në shtëpi dhe babai ishte urdhëruar të dilte nga apartamenti.
I mbijetuari 11-vjeçar i fëmijëve është nën kujdesin e të afërmve pasi dëshmoi vdekjet e motrave e vëllezërve të tij.
Nëna e tij shkoi me tren me të në Duesseldorf dhe kur doli jashtë u hodh në binarë por ka mbijetuar me plagë të rënda, ndërsa Marcel shkoi në shtëpinë e gjyshes.
Pesë fëmijët e vdekur ishin tre vajza, një, dy e tre vjeçe, dhe dy djem gjashtë e tetë vjeç.
Policia ende nuk ka identifikuar viktimat por Bild thotë se vëllezërit tragjikë të Marcel quheshin Luca e Timo, kurse tre vajzat ishin Sophie, Leonie e Melina.
Nëna kishte kaluar kriza në të kaluarën por policia tha se është ende herët për të përcaktuar motivin e ngjarjes së rëndë.
Detektivët po presin tashmë rezultatet e toksikologjisë te fëmijët, të cilët nuk kishin plagë të dukshme.
11-vjeçari Marcel udhëtoi me nënën e tij drejt Duesseldorf dhe më pas kishte vazhduar vetëm për të gjyshja në Moenchengladbach. Nuk është e qartë nëse ai dëshmoi tentativën e vetëvasjes së nënës.
Top Channel
