Historia e pabesueshme e 93-vjeçarit që ka moshën biologjike të një 30-vjeçari! Richard Morgan tregon sekretin e tij 19/04 09:08
Një shatërvan oranmental në Verviers në lindje të Belgjikës, u zbulua se ruante prej më shumë se një shekulli një kuti me zemrën e kryebashkiakut të parë të vendit.
Organi i ruajtur në një kavanoz alkooli brenda sunduku prej zinku, u gjet gjatë punimeve të rinovimit të shatërvanit.
Objekti është vendosur tashmë më muzeumin e arteve të bukura. Kryebashkiaku Pierre David vdiq që vitin 1839, por shatërvani me emrin e tij u inaugurua vetëm në vitin 1883.
Në mbishkrimin e kutisë të metaltë thuhet: “Zemra e Pierre David është vendosur solemnisht në monument më 25 qershor 1883”.
Kreu i punëve publike të Verviers, Maxime Degey, tha: “Një legjendë urbane u bë realitet. Kutia u gjet në pjesën e sipërme të shatërvanit, në të djathtë të bustit të Pierre David”.
Kryebashkiaku Pierre David vdiq gjatë një rënieje aksidentale në 1839.
Autoritetet më pas nisën mbledhjen e fondeve për një monument në nder të tij dhe me miratimin e familjarëve kirurgët hoqën zemrën e tij që ajo të varrosej në monument.
Kryebashkiaku kishte shërbyer në vitet e trazuara 1800-1808, kur Belgjika sundohej nga Franca dhe po luftonte të krijonte shtetin e saj të pavarur.
Pavarësia e Belgjikës erdhi më në fund në 1830 pas një revolucioni kundër sundimit danez.
Top Channel
