Arrestimi i Ilir Metës, Partia e Lirisë njofton protestë para SPAK. Ish-presidenti letër nga qelia! 25/11 19:02
Ish-deputetja e Partisë Demokratike, Albana Vokshi thotë se mijëra shqiptarë po torturohen dhe rraskapiten prej 5 ditësh në kufi, pa ujë pa ushqime.
Sipas Vokshit, kjo është një krizë e cila provon dështimin e qeverisë pasi nuk komunikon me qytetarët dhe nga ana tjetër si e papërgjegjshme vijon mos testojë masivisht tek popullsia shqiptare për të parandaluar përhapjen e COVID-19.
“Është e turpshme që as Edi Rama dhe asnjë nga ministrat e tij nuk ndërprenë pushimet”- shton ajo.
Reagimi i plotë:
Shqetësimi ynë i parë sot është për të gjithë ata shqiptarë që po torturohen dhe rraskapiten prej 5 ditësh në kufi, pa ujë pa ushqime, pa shërbime shëndetësore, ku është krijuar një krizë e vërtetë humanitare.
Është një krizë që tregon dështimin e qeverisë për të komunikuar me qytetarët e vet në këtë kohë kaq delikate dhe të rrezikshme për shëndetin. Është krizë e krijuar nga paaftësia dhe papërgjegjshmëria e kësaj qeverie, e cila nuk testoi dhe vazhdon të mos testojë masivisht për parandalimin e përhapjes së virusit.
Është e turpshme që as Edi Rama dhe asnjë nga ministrat e tij nuk ndërprenë pushimet, por vazhdojnë të relaksohen në resortet dhe vilat luksoze të bregut sipas një axhende që nuk ka asnjë lidhje me interesin e qytetarëve.
Top Channel
