BE-ja siguron 33 milionë euro ndihmë emergjente për Libanin

07/08/2020 09:25

Bashkimi Evropian njoftoi të enjten se ka ndarë 33 milionë euro për të financuar ndihmën emergjente fillestare për Libanin.

Presidentja i Komisionit Evropian, Ursula von der Leyen, foli në telefon me kryeministrin Libanez Hassan Diab për ta njoftuar për ndihmën e Bashkimit Evropian.

Në një letër drejtuar 27 vendeve anëtarëve të BE-së, von der Leyen dhe Charles Michel, President i Këshillit Evropian, iu bën thirrje vendeve anëtare “të kontribuojnë në rimëkëmbjen e Libanit”.

“Ne ju ftojmë të intensifikoni mbështetjen tuaj për Libanin, si për nevojat e menjëhershme, por edhe me qëllim të rindërtimit afatgjatë të vendit”, kanë shkruar udhëheqësit.

Më 4 gusht, një shpërthim në një depo me kimikate në Bejrut la të vdekur 137 persona si dhe plagosi mijëra të tjerë.

Hetimet e para thonë se materiali ishte ruajtur në mënyrë të pasigurt në depo.

Dëmet materiale konsiderohet të arrijnë vlera miliardëshe.

Ndërkohë, presidenti i Francës, Emmanuel Macron, është udhëheqësi i parë botëror që e vizitoi Libanin.

Ai pas takimeve me liderët e atij vendit, bëri thirrje për një hetim ndërkombëtar për incidentin.

Top Channel