Dialogu, Vuçiç: Amerikanët nuk janë “dorëzuar”

Duke folur për negociatat mes Kosovës dhe Serisë, të cilat do të vazhdojnë sot në Bruksel në nivel ekspertësh, Vuçic tha për Radio-Televizionin e Serbisë se “hapësira e Serbisë për manovrim do të zvogëlohet”.

“Ne nuk iu kundërvihemi shqiptarëve atje. Është njësoj si të flisni me shqiptarët, e me përfaqësuesit e Bashkimit Europian dhe të Shteteve të Bashkuara. Ata mendojnë njësoj dhe të gjithë e duan Kosovën e pavarur”, tha Vuçic.

“Në një moment do të jemi nën presion, por ma lini mua, unë jam veteran politik, e di se cilat janë pasojat për mua, por do të mbroj vendin, jo veten time”, shtoi ai. Javën e kaluar, Vuçic dhe kryeministri i Kosovës, Avdullah Hoti, u takuan në Bruksel me ndërmjetësimin e përfaqësuesve të lartë të BE-së. Ky ishte takimi i parë i drejtpërdrejtë mes përfaqësuesve të Kosovës dhe Serbisë që në fund të vitit 2018, kur bisedimet për normalizimin e marrëdhënieve mes dy vendeve u ndërprenë për shkak të taksës 100% që i vuri Prishtina prodhimeve të importuara nga Serbia.

Top Channel