Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Në mbrëmjen që nga Gjermania doli lajmi se Milani ka prishur akordin paraprak me Ralf Rangnick dhe ka vendosur të konfirmojë Piolin në pankinë edhe për sezonin e ardhshëm, ky i fundit udhëhoqi kuqezinjtë drejt një suksesi 1-2 në transfertën e vështirë ndaj Sassuolos.
Sfida nisi me telashe për Piolin që në minutën e 11′ bëri një zëvendësim të detyruar, pasi mbrojtësi Andrea Conti nuk mund të vijonte ndeshjen dhe i la vendin Davide Calabrias.
Megjithatë për të rikthyer entuziazmin te kuqezinjtë mendoi futbollisti më me eksperiencë në fushë, Zlatan Ibrahimovic, i cili sulmoi qendrën e zonës dhe shndërroi në gol një krosim të saktë të turkut Calhanoglu.
Sassuolo reagoi mirë dhe krijoi disa mundësi shënimi, ndërsa në minutën e 42-të fitoi një 11-metërsh me ndihmën e VAR-it, të cilin e shndërroi në gol befasia e këtij sezoni, Francesco Caputo.
Megjithatë dyshja Calhanoglu-Ibrahimovic “shpikën” një tjetër kombinim të bukur me turkun që shërbeu për gjigantin suedez dhe ky i fundit driboi portierin Consigli e shënoi golin e dytë personat dhe për Milanin.
Gjërat u bënë edhe më të lehta për kuqezinjtë pasi në sekondat e fundit të pjesës së parë Bourabia bëri një ndërhyrje të ashpër nga mbrapa ndaj Rebic dhe u ndëshkua me kartonin e dytë të verdhë, duke lënë Sassuolon me 10 futbollistë.
Pjesa e dytë ishte edhe më e mirë për Milanin, që menaxhoi mirë epërsinë numerike dhe krijoi disa raste për gol, por nuk ia doli të mbyllë ndeshjen, ndërsa Sassuolo “u shua” me kalimin e minutave dhe u duk se u pajtua me humbjen, pasi nuk arriti të kërcënojë seriozisht Donnarummën.
Kjo ishte fitorja e 7 e Milanit në 9 ndeshje të zhvilluara që prej rifillimit të kampionatit, nëpërmjet të cilave ka grumbulluar 23 pikë duke shkuar në kuotën e 59 pikëve në total dhe me meritë në vendin e pestë të renditjes.
Top Channel
