Linja ajrore izraelite pezullon fluturimet për në Moskë, shkak bëhet… 26/12 18:55
Të paktën 85 foshnja në Teksas të SHBA-ve janë prekur nga koronavirusi i ri (COVID-19).
Zyrtarja e Shëndetësisë publike rajonale e Corpus Christi, Annette Rodriguez tha se në mesin e rasteve me COVID-19, gjenden të paktën 85 foshnja të moshës nën 1 vjeç. Ajo nuk informoi se si janë infektuar foshnjat.
“Këto foshnja ende nuk i kanë mbushur 1 vjet. Ju lutem na ndihmoni në parandalimin e përhapjes së kësaj sëmundjeje”, u shpreh ajo.
Rodriguez bëri thirrje që mos të udhëtohet nëse nuk është e detyrueshme, respektimin e distancës sociale dhe mbajtjen e maskës në publik. Guvernatori i Teksasit, Greg Abbott tha se mbajtja e maskës do të parandalojë orën policore.
Deri më tani në Teksas janë infektuar 317.730 persona nga COVID-19 ndërsa 3.865 e kanë humbur jetën.
Top Channel
