Fotot/ Fustanet virale në rrjetet sociale, Katy Perry dhe Rihanna pre e mashtrimit: Nuk ishim prezente në Met Gala, fotot janë krijuar nga AI 07/05 18:09
Olta Boka është bërë nënë për herë të parë.
Ajo dhe partneri i saj, Ivi Rrokaj, kanë sjellë në jetë një vajzë, të cilës i kanë vendosur emrin e veçantë Gaia.
Lajmin e ka bërë të ditur vetë këngëtarja që përfaqësoi Shqipërinë në “Eurovision” në vitin 2008, përmes një fotoje të publikuar në Instagram, ku i mban dorën të voglës së saj.
Olta shkruan: “Mezi të kemi pritur Gaia Rrokaj, perëndesha e jetëve tona.Të mora në krahë dhe tek ti gjeta botën, emocionin më të madh që s’ka skenë që të mund t’i përafrohet! Me ty u zbrit një copëz parajse dhe unë premtoj që do të kujdesem për ty siç bën Zoti me engjëjt e tij!”
Olta Boka pranoi lidhjen dhe fejesën e saj me djalin e ish-deputetit të LSI-së, Shezai Rrokaj, Ivin në mars të vitit të kaluar.
Ajo zbuloi se dashuria e tyre ka nisur në bankat e shkollës, pasi Ivi është avokat dhe pedagog në fakultetin e Drejtësisë, ku edhe ka studiuar këngëtarja.
Top Channel
